Ձեր վստահելի աղբյուրը

Գերմանիայի կանցլեր Անգելա Մերկելի ու Ադրբեջանի նախագահ Հեյդար Ալիևի համատեղ ասուլիսում Մերկելի՝ Ղարաբաղյան հակամարտության վերաբերյալ արած հայտարարությունները կանցլերատի պաշտոնական էջում ու ադրբեջանական և այլ լրատվամիջոցներում, մեղմ ասած, տարբերվում են:

Մերկելի հայտարարությունն աղավաղել է նաև Ադրբեջանի նախագահի պաշտոնական էջը, գրելով, որ իբր կանցլերը հայտարարել է.
«Գերմանիան նույնպես ցանկանում է միջնորդ դառնալ հակամարտության կարգավորման գործում: Մենք ենթադրում ենք, որ Եվրպայի խորհուրդը, Եվրամիությունը դրա վերաբերյալ նախաձեռնությամբ հանդես կգան: Դրա հետ կապված Ադրբեջանը բանակցություններ կվարի Եվրահանձնժողովի հետ»:

Panorama.am-ը այս առթիվ դիմեց Հայաստանում Գերմանիայի դեսպանատուն:

«Կարդացեք Գերմանիայի կառավարության պաշտոնական կայքում տեղ գտած տեղեկատվությունը, իսկ մնացած այլ հարցեր դեսպանությունը չի մեկնաբանում»,-Panorama.am-ին ասացին դեսպանատնից:

Ըստ գերմանական կանցլերատի պաշտոնական կայքի տեղեկատվության, Մերկելը ներածական խոսքում ասել է հետևյալը.«Գերմանիան ցանկանում է այդ հակամարտութնան լուծման մեջ օգտակար լինել։ Մենք խոսեցինք, նաև, որ հնարավորության դեպքում Եվրամիությունը ևս մեկ անգամ հանդես գա նախաձեռնությամբ։ Ես կարծում եմ Ադրբեջանը այդ առնչությամբ կխոսի Եվրոպական հանձնաժողովի հետ»:

Միևնույն ժամանակ հարցուպատասխանի ժամանակ գերմանիայի կանցլերը հնչեցրել է հետևյալ բառերը.

«Մենք ԵԱՀԿ ՄԽ անդամ ենք, որի համանախագահներն են Ֆրանսիան, Ռուսաստանը, ԱՄՆ-ն: Եվ մենք աջակցում ենք բանակցային լուծմանը: Տեսնում ենք, որ Ալիևը բազմիցս հանդիպել է իր հայաստանցի գործընկերոջը և ցուցաբերել է պատրաստակամություն բանակցությունների նկատմամբ: Այս կոնֆլիկտին միայն խաղաղ լուծում պետք է լինի: Մենք անհանգստացած ենք հրադադարի խախտումներով և, բնականաբար. դրանք մեր ուշադրության կենտրոնում ենք պահելու: Զգուշությամբ պետք է նշեմ, որ Ռուսաստանը վճռական դեր է խաղում: Միգուցե Ռուսաստանն ու Հայաստանը միանման են մտածում: Ուստի կարող եք հանգել, որ տարբեր ստանդարտներ չենք կիրառում»:

Ասուլիսի տեսանյութը կարող եք դիտել այստեղ:

Հիշեցնենք, որ «Ինտերֆաքս»-ի  ներկայացմամբ ևս, Մերկելը հայտարարել է, թե Գերմանիան փորձում է միջնորդ դառնալ ԼՂ հակամարտության կարգավորման գործում, և Ադրբեջանն այդ առումով բանակցություններ է վարում Եվրահանձնաժողովի հետ:

Նախորդող հրապարակում՝
Մերկել. Գերմանիան փորձում է ԼՂ հակամարտության կարգավորման գործում միջնորդ դառնալ