Ձեր վստահելի աղբյուրը

Հայաստանի վարչապետ Տիգրան Սարգսյանի վերահսկողական ծառայության պետ Սարգիս Գրիգորյանը, որ այդ պաշտոնում աշխատում է 2003 թվականից, 2013 թվականի սկզբին հայտարարագրել է 6 մլն 100 հազար դրամ եկամուտ, որից նույն տարվա վերջին մնացել է միայն 2 մլն դրամը:

Ինչպես Panorama.am-ը տեղեկանում է Բարձրաստիճան պաշտոնատար անձանց էթիկայի հանձնաժողով ներկայացրած նրա հայտարարագրից, բացի դրամային եկամուտներից, Գրիգորյանը հայտարարագրել է նաև արտարժույթով դրամական միջոցներ: Այսպես, եվրոյով և դոլարային եկամուտները տարվա վերջին պահպանվել են, այնպես ինչպես եղել են տարվա սկզբին` 100 հազար եվրո և 5000 ԱՄՆ դոլար: Այս պաշտոնյայի աշխատավարձից ստացվող տարեկան եկամուտը կազմում է 2 մլն 69 հազար 67 դրամ:

Հատկանշական է, որ պարոն Գրիգորյանի աշխատավարձից ստացված եկամուտները 2011-ի համեմատ այժմ խիստ նվազել են. 2011-ին նա հայտարարագրել է, որ միայն աշխատավարձից տարեկան ստանում է 4 մլն 419 հազար 021 դրամ:

Նկատենք, որ վարչապետի վերահսկողական ծառայության պետը դեռ 2012-ին ներկայացված հայտարարագրում նշել է, որ երկու քանդակ` Ալիս և Դալի, ինչպես նաև մեկ կտավ Բաշինջաղյանից:

Ի տարբերություն Սարգիս Գրիգորյանի, նրա կինը` Արմինե Քոչարյանը, տասնյակից ավել միլիոնների տեր է. ճիշտ է դոլարային ու եվրոյով եկամուտներ չունի, փոխարենը հայտարարագրել է, որ 2013-ի սկզբին ունի 56 650 միլիոն դրամ, որը սակայն, տարվա վերջում դարձել է 45 մլն դրամ: Տիկինը որևէ տեղից աշխատավարձ չի ստանում, փոխարենը հայտարարագրել է, որ 2013-ին ընդհանուր առմամբ ստացել է 61 մլն դրամ և 80 հազար ԱՄՆ դոլար վարկ: Սակայն հայտնի չէ` ինչ նպատակով:

Ի դեպ, վարչապետի վերահսկողականի պետի կինը դեռ 2011-ի ներկայացրած հայտարարագրում նշել է, որ ունի 5 տեսակի անշարժ գույք:

Թեմային առնչվող`

Երևանի փոխքաղաքապետի կնոջ եկամուտները գերազանցում են ամուսնու եկամուտները

ՊԵԿ պաշտոնյաների եկամուտները` միլիոն դրամներ 

Ինչ ունեն և չունեն Վարչական դատարանի նորանշանակ դատավորները

Գեղամ Ղարիբջանյանի եկամուտներն ԱՄԷ-ում աճել են